READING MODE
20


|| BHAJAN ||

Saj Rahe Bhole Baba Nirale Dulhe Mein ।

Nirale Dulhe Mein, Matwale Dulhe Mein ॥

Saj Rahe Bhole Baba Nirale Dulhe Mein ॥


Are Dekho Bhole Baba Ki Ajab Hai Baat,

Chale Hain Sang Le Kar Ke Bhooton Ki Baraat ।

Saj Rahe Bhole Baba Nirale Dulhe Mein ॥


Bhes Nirala, Jai Ho ।

Piye Bhang Ka Pyala, Jai Ho ॥

Sar Jata Chadhaye, Jai Ho ।

Tan Bhasam Lagaye, Jai Ho ॥

Odhi Mrigshala, Jai Ho ।

Gale Naag Ki Mala, Jai Ho ॥

Hai Sheesh Pe Ganga, Jai Ho ।

Mastak Pe Chanda, Jai Ho ॥

Tere Damru Saaje, Jai Ho ।

Trishul Viraaje, Jai Ho ॥


Bhooton Ki Le Kar Toli Chale Hain Sasural,

Shiv Bhole Ji Digambar Ho Bail Pe Sawar ।

Saj Rahe Bhole Baba Nirale Dulhe Mein ॥


Nit Rahein Akele Shankar Albele,

Hain Guru Jagat Ke Nahi Kisi Ke Chele ।

Hai Bhang Ka Jangal Jangal Mein Mangal,

Bhooton Ki Paltan Aa Gayi Hai Ban Than ॥


Le Bhang Ka Kattha,

Le Kar Sil Vatta ।

Sab Ghis Rahe Hain,

Ho Hakka Bakka ॥

Pee Kar Ke Pyale,

Ho Gaye Matwale ।

Koi Nache Gaave,

Koi Dhol Bajaave ॥

Koi Bhaun Bataave,

Koi Munh Pichkaave ॥


Bhole Bhandari Pahunche Sasurari,

Sab Dekh Ke Bhaage,

Sab Nar Aur Naari ॥

Koi Bhaage Agaadi,

Koi Bhaage Pichhadi ।

Khul Gayi Kisi Ki,

Dhoti Aur Saadi ॥

Koi Koode Khambam,

Koi Bole Bam Bam ।

Koi Kad Ka Chhota,

Koi Ekdam Mota ॥

Koi Tan Ka Lamba,

Koi Taad Ka Khamba ।

Koi Hai Ik Tanga,

Koi Bilkul Nanga ॥

Koi Ekdam Kaala,

Koi Do Sar Wala ॥


'Sharma' Gun Gaaye,

Man Mein Harshaye ।

Trilok Ke Swami,

Kya Roop Banaye ॥

Bhole Ke Saathi,

Hain Ajab Baraati ॥


Bhooton Ki Le Kar Toli Chale Hain Sasural,

Shiv Bhole Ji Digambar Ho Bail Pe Sawar ।

Saj Rahe Bhole Baba Nirale Dulhe Mein ॥