READING MODE
20


|| DOHA ||

Bhanwar Mein Naav Padi Hai Beech Majhdhar Hoon Main ।

Sahara Dijiye Aakar Ki Ab Laachar Hoon Main ॥


|| BHAJAN ||

Bhole Girija Pati Hoon Tumhari Sharan ।

Bhole Girija Pati Hoon Tumhari Sharan ।

He Kailash Pati Hoon Tumhari Sharan ॥


Suna Hai Aapka Jisne Kabhi Pukar Kiya,

To Uska Aapne Sankat Se Hai Uddhar Kiya ।

Bhagat Hoon Aapka Main Bhi To Ae Mere Bhole,

Aasra Aapka Humne Bhi Ae Sarkar Kiya ॥

Hoon Tumhari Sharan, Sharan Tumhari Sharan ॥


Sada Darbar Mein Ek Bheed Bhakton Ki Lagi Dekhi,

Har Ek Bhagat Ki Jholi Aapke Dar Pe Bhole Bhari Dekhi ।

Koi Lauta Nahi Khaali Tumhare Dwar Pe Aake,

Niputi Baanjh Ki Humne Yahin Godi Hari Dekhi ॥

Yahi Hai Prarthana Tumse Meri Bhole Shankar,

Daya Ki Drishti Zara Daal Do Bhole Mujh Par ।

Tumhare Dwar Pe Jhuka Diya Hai Sar Ye Keh Keh Kar,

Hoon Tumhari Sharan, Sharan Tumhari Sharan ॥


Main To Nadaan Hoon Duniya Se Bhi Anjaana Hoon,

Par Ye Sach Hai Ki Bhole Main Tera Deewana Hoon ।

Thokarein Duniya Ki Mere Bhole Main Bahut Khaya Hoon,

Hoke Laachar Main Tere Dar Pe Aaya Hoon ॥

Hoon Tumhari Sharan, Sharan Tumhari Sharan ॥


Meri Jholi Charan Ke Dhool Se Ek Baar Bhar Dije,

Mehar Ki Ek Nazar Sarkar Lakkha Pe Kar Dije ।

Saran Dete Ho Sabko Meri Khatir Kyon Hui Deri,

Tumhare Haath Mein Hai Prabhu Ab Laaj Meri ॥

Hoon Tumhari Sharan, Sharan Tumhari Sharan ॥


Tum Jo Chahoge To Taqdeer Palat Jayegi,

Dukh Sankat Sabhi Ek Pal Mein Hi Hat Jayegi ।

Mujhko Vishwas Hai Aur Dil Mein Yakeen Hai Mujhko,

Chhodkar Aapki Chaukhat Ko Agar Jaunga ॥

Apne Charnon Mein Pada Rehne Do Mujhko Bhole,

Gar Charan Chhoote To Bemaut Hi Mar Jaunga ।

Hoon Tumhari Sharan, Sharan Tumhari Sharan ॥


Tumhare Naam Ke Pyale Ko Pee Raha Hoon Main,

Kripa Se Aapki Duniya Mein Jee Raha Hoon Main ।

Daya Kar Mere Bhole Ye Sharma Ki Duhai Hai,

Meri Bigdi Bana De Tumne Laakhon Ki Banai Hai ॥

Hoon Tumhari Sharan, Sharan Tumhari Sharan ॥


Bhole Girija Pati Hoon Tumhari Sharan ।

Bhole Girija Pati Hoon Tumhari Sharan ।

He Kailash Pati Hoon Tumhari Sharan ॥

Hoon Tumhari Sharan, Sharan Tumhari Sharan ॥